04
08.2014

旅居紐約尋工記 教你平玩曼克頓

環球旅遊  
標籤: 旅行  紐約 

有再多誰都想要更多

再更多似是誰都沒錯

然而 再大的一顆大蘋果

又是否你心目中最完美的那一顆

http://25.media.tumblr.com/tumblr_m6t2fkh6SL1rayzk3o1_r2_500.jpg

 

美國行程 - San Francisco - Las Vegas - Grand Canyon and Yellowstone - Salt Lake City - Chicago - New York

一直都愛生活大都會,感受最繁華,所以我決定於美國之行最後一站給自己兩個月時間,咬一口大蘋果,作一位紐約客。

離開芝加哥前既一個早上,我係 51nyc 網站見到一個出租廣告,位於 Lower East Side, Manhattan 既單人房也只是USD400 月租的價錢,簡直是十億萬個難以置信。於是我立刻聯絡中介,二十小時火車過後,便會馬上去睇房。屋企距離 East Broadway 地鐵站不到一分鐘路程;房東則是上海夫婦,親切有善;雖然房間超級細,而且沒有衣櫃冷氣,但我已經感到十分之幸運,雙手迅速付上租金。心諗,再低廉的旅館也要 USD50 一晚,現在卻是如此吸引的價錢,我還需要考慮什麼?

安頓之後,就到超市入貨;雖然紐約生活指數極其之高,但係日常食品如蕃茄牛奶雞蛋其實都好便宜。於是,我每日自午飯早餐,盡量減少開支。可惜,力圖開展健康生活的我無法戒掉煙癮,未能負擔起 USD12 天價我,唯有自卷煙草,正當卷功開始純熟之際,卻又發現購買平煙的秘道,結果還是每日走上天台抽煙區享受我的萬寶路。

初到紐約,除左一個地址,我咩都無。無工作,無朋友,也就無真正生活。於是,我四處努力揾我的生活。

在沒有手提電腦的那段日子,每日我都會走到 Seward Library 公共圖書館使用免費資源;於每台電腦限定使用時間45分鍾之內瀏覽 Mandy / Indeed / Craigslist 等網站所有有關媒體制作既招聘,並且極速發出自我介紹及簡歷。雖然不斷都有收到回信又試去過面試,無奈唔係話我逗留時間太短就係話我無器材在身。只屬旅客身份的我其實只求經驗不求人工,為的就是要真正生活在此地做個紐約人,但沒想到實際情況卻係如此既難以實行。

揾唔到工作,都要揾個夥伴,笑說風月暢談人生。善用網絡平台的我,不斷通過中外流行 iPhone App (Skout / 陌陌 / 微信) 以及旅者社群 (背包客棧 / CouchSurfing / Lonely Planet Thorntree) 尋找我的友人。幾乎每日我都會去見約陌生人,飲杯咖啡,食個晚飯,又試下閑逛同遊。他們有高的矮的黑的白的奇怪的無禮的都有非常有善的。面孔確實認識到不少,可惜卻無沒幾個可以再次同行。有時候可能係你唔願意再見到那個無聊的人,也有時候可能係佢唔想再見到呢個難頂既我。而且當呢個日復日的交友活動舉行咗好幾個星期之後,我開始感到十分厭倦,再也無力氣講出我那個已經講過超過一百萬次的出走古仔。然而,非常幸運的是,這個交友活動裡面,我真係遇上了三位真正的朋友。而且,佢地都係好人;事關,佢們都係音樂人。

 

Manhattan 的面積其實好細,東到西都唔夠四公里,而且主要景點活動都係位於 Midtown Center 以南,所以住係 Lower East Side 的我每日都會徒步漫遊呢個城市,瀏覽各大名勝,探索藝術展館,穿梭大街小巷。我的腳踏版圖裡面,無數亮眼建築,有 City Hall 市政廳,New York Public Library 公共圖書館,Brooklyn Bridge 布魯克林大橋 ;如數重要地段,有 Wall Street 華爾街,Broadway 百老匯,Time Square 時代廣場;如數異國文化,有 China Town 唐人街,Japan Town 日本城,Little Italy 小意大利;如數城中綠洲,有 Central Park 中央公園,High Line 空中公園,Bryant Park 布萊恩特公園;如數我既的最愛,就係必定5 Pointz 塗鴉牆,Chelsea 藝廊區,以及各大藝博展館;如要繼續再數,實是難以再數,事關到處都是能抵訪的地方,到處都係我既的腳步。

雖然紐約物價昂貴,但其實都可以玩得便宜,又可以零消費。就如上述所提及既所有景點基本上都係唔使付款,甚至連睇自由神像都可以係免費。如果你唔願意同拉旅客一樣付最少 USD17 乘坐遊輪到 Liberty Island 超近距離研究女神的火炬,都可以似我一樣由 Manhattan 的 Whitehall Terminal 乘搭渡輪到 Staten Island,於來回航程中遠距離體會女神既精神。The Staten Island Ferry 係免費,而且一天24小時運作,每15-20分鍾一航班,十分方便;本輪是為連接 Staten Island 與 Manhattan 既市民,所以容量十足大,船高三四層,甚至內建升降機,每班次可載幾千人。

喜愛各類型藝術創作的我,每個星期都會走進各大藝博館,欣賞經典名作,又去睇最新展覽,刺激眼球,刷新思維。雖然大多著名展館最少 USD10 入場,但係每個星期總有一天某段時間係免費的,又或者隨你捐助沒有付款限制。而令我最難忘的一次拜訪就係於 Museum of Modern Art 碰上偶像 Keith Harring 既展覽,真沒想到就只放低美金一蚊雞,便可欣賞價值連成既大師作品,真係令我超級興奮。如果你都特登捐出一蚊雞,就請參考 Museum Free Days 呢個網站了解各大藝博館免費進場日期時間。

除了藝博名作,要數街頭文化,事關紐約大小街頭也都展示著各類型風格的塗鴉創作,讓城市充滿動感。若嫌沖擊唔夠,不妨到訪位於 Long Island City, Queens 的塗鴉聖地 5 Pointz。此地廠廈全被塗鴉包圍,所有圖像突出,色彩鮮豔, 極為震撼。

如果係大師名作同街頭傑作都唔夠滿足你,甘你必要到訪 Chelsea Gallery District 畫廊區了。此區位於 Manhattan 西邊,夾於 10th Avenue 與 11th Avenue 中間,由 19th Street 到 28th Street 一連十街也都係畫廊影樓工作室,展示著唔同媒體的當代創作,代表著不同議題的內容信息,給於觀眾無盡啟發以及視覺沖擊 。而且所有畫廊都係免費入場,只要得閑就可以隨時欣賞。

 

睇完展品,感覺累了,可以行到同區的 Chelsea Market 大吃大喝。我最愛最愛流連這市場,因為裡面所銷售的海鮮面包又或者係乳類產品全部都係我最愛的味道。這裡不單止貨品新鮮而且價錢便宜,一只龍蝦也只係 USD15, 半打生蠔亦都不過 USD10,絕對係經濟旅客的美食天堂!

另外,紐約有好多音樂節,電影節,表演活動以及節慶遊行都係免費的,只要你留意 Time Out / NYC The Official Guide / Club Free Time 又或者同類型資訊網站,一定會揾到你的心水娛樂。在我逗留期間,就經常到 Bryant Park 睇影展,與大眾市民一齊躺著草坪上欣賞著各類型電影,感覺超爽;但係令我最回味的卻是舉行在 Marcus Garvey Park, Harlem 的 Mafrika Musical Festival 黑人音樂節,事關黑人音樂力量實在難以抵擋!

如果你係喜歡藝術創作,需要紐約短住工作,我有一個好地方介紹給你,就是位於 Brooklyn 的 3rd Ward。3rd Ward 是一個給藝術創意工作者聚集,租用,學習的地點空間。經常舉辦好多課程,活動,講座。而且只需 USD149 的會員月費,就可任意使用裡面的電䐉,影樓,木工房,手飾工房又或者用會議室接見人客。對於我這種並沒帶有器材電腦的旅居人士來說,肯定超級有用。

 

紐約地鐵單程票價為 USD2.25,三十天無限使用為 USD104。車卡確係十分划算,不單只班次頻密,24小時通車,而且覆蓋地點好廣,十分之方便。可惜,這裡的地鐵無論係站內還是月台又或者車廂都係超級殘舊,而且通告指示全都唔清唔楚,還有月台似火爐車卡似雪櫃,而且唔係每個車站都有服務櫃台... 總而言之,相比世界重要城市例如巴黎上海倫敦香港,我認為紐約的地鐵實係算是最衰最衰!

要數紐約最衰,除開地底,還有地上。每當我橫過馬路的時候,無論紅燈也好,綠燈也好,總有車輛係我面前沖過,使我步步驚心,大家必須注意!除了路面交通混亂,行人路上都非常混亂。這裡的人唔係趕,就係忙,眼只會向前望,顧著自己要走的路,絕少留意周圍。短住期間,身型細小的我就不時被碰被撞被討煙或討錢,卻又未曾遇過有心人給我讓路!

紐約呢個城市,每刻都是運送中,除了接載人和事,就係輸送夢和想。就是事關這裡太有效率,可以係在極短時間之內送你到達每個你夢想的地方,所以大家也都爭先向前,不斷向前,就只向前,但又忽略咗身邊的許多許多。然而,唔少紐約客都曾爭著同我講,話紐約係世界上最好的地方,說這裡沒有什麼唔得的情況。可笑係,佢地有些甚至沒有到過北美以外的各洲各國,卻又自以為自己的多元文化就係真正的全球國際。老實說,如果你從來沒有試過世上各種美味的生果,又試問你怎知你緊緊咬著既那個大蘋果就係你最愛的生果?

呆咗整整一個月之後,我還是無揾到工作。心淡失意之際,我先發現自己首要身份原來係個全職旅人,那麼首要任務當然就係活在當下,決不能夠讓自己泄氣傷心。於是,我改變策略,重新出發,去尋找我的創作項目,誓必要係紐約留返我的印記。我開始 Craigslist 呢個分類廣告網站刊登我既個人簡介,以及招募創作人合作的告示,希望能夠為搖滾樂隊拍一支音樂錄像,或者為時裝設計師做一個宣傳廣告。刊登期間,每日都認識到唔同範疇的獨立創作人,有做平面,有做手飾,有做音樂。佢地雖然獨立,但都十分專業,而且好有才華,帶有風格。縱使他們有著不同的背境故事,但都係帶著同一目標理念,就係不斷努力,不斷向前,直至永遠。他們深信,只要全力以赴,有朝一天必能夠獲得一張送給他們到目的地的幸運彩票。

我的三位紐約朋友,同樣也是好有才華既人,他們分別在不同風格既樂隊做主音,做鼓手,做琴手。雖然佢地都有兩三份工作令佢地得以維生又或者吃喝玩樂,佢地同樣安排最多既時間給他們的理想,他們的音樂,他們的人生。每當我到訪他們的深夜彩排,專輯錄音,又或者酒吧表演的時候,我都感到非常興奮,因為佢地的現場音樂每每都係帶有最真情感,都能緊緊扣著我的心。

Retifist - Rock / Metal Band

Damien Anthony - Jazz Band

 

Late Cambrian - Pop Rock

非常幸運的我,在紐約之行尾段日子終於能夠揾到工作,參與 $uperCapitalist 這部獨立電影的首輪宣傳推廣,擔當其上映發布的攝錄師。這部以金融為題的驚悚片攝制於紐約,香港及澳門;經已在紐約,華盛頓,洛杉磯,三藩市,香港及新加坡上映,而世界各地的朋友更可以到 iTunes 租睇又或者係購買本片。工作期間,連日來同監制們相處,了解到他們由概念到發布共花咗六年的時間去完成這部電影,當中有忙有亂,有悲有喜,但係他們從沒放棄,因為他們深信自己所選擇。有些事情,旁人睇來似是瘋狂,但對當事人來講,其實不過是他們生活的一部份,冇左這些部份,就不會有完滿人生。

係緣係份亦好,係際係遇都好,真係非常感謝友人的轉介再轉介,讓我最終能夠如願以嘗,係紐約實在的工作過,真正的做一個不單我走我路,但還會留下記號既 Traveling Artist。

Sio

Traveling Artist

流浪兩年 走過歐非南北美 進過撒哈拉 闖過亞馬遜 路上學會法文西文 戀上一個拉丁情人

 

 

發表於2014.8.04
留言(0)
博客名稱 :
AddisonChan
網誌名稱:
Addison2321Chan's blog
使用天數:2,033
性別:
按月份瀏覽
    2020
  • 一月
  • 二月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 環球旅遊