05
05.2013

產前講座、產前檢查、忙碌週末

每星期2次試食真係好fit媽媽, 除了可以抽空返去飲下靚湯, 食下營養住家飯, 仲可以抽下時間聽下講座呀! 4/26 (五) 夜晚, 媽媽收工後就去了觀塘, 聽下由雀巢營養天地主辦的產前講座~~
 
雖然部分內容之前都聽講, 可以話係溫故, 內容唔重複啦, 但都有知新的得著, 在此逐一分享!
 

 
首先part 1的《初生嬰兒常見疾病》, 講到濕疹的部分就令媽媽打醒12分精神! 因為我同老公本身雖冇濕疹, Matthew仔亦大家有眼得見皮膚靚靚, 但其實我細妹係輕微濕疹架! 令我有D擔心第2胎中的機會會高左~~ 根據好有經驗的兒科醫生講, 濕疹的最好預防方法是餵母乳 (其實另一常見問題---便袐, 都係架!), 反而懷孕時戒口對於預防BB濕疹、敏感係冇幫助架!
 
睇黎, 我o既唔點戒口, 同埋好堅持一定要餵母乳的方向好正確呢! 今胎都會繼續~~ 另外一個想同各位媽媽分享的訊息, 就係過敏進行曲分為幾部分, 雖然原因未明, 但患濕疹的BB都較易食物敏感架! 一定要小心小心! 好希望妹妹唔會中濕疹啦~~~ 
 

 
當日醫生亦講出一樣我好擔心的現象, 就係有時明明父母都無濕疹, BB偏偏出事, 而依個現象隨著社會現代化而越發明顯, 佢話以國內為例, 沿海的發達城市, 濕疹率比內陸地區高好多架!
 
除了污染, 會唔會大家成日飲用的牛奶並唔純淨乾淨呢? 因為好似我同細妹的個案, 我係飲人奶但佢細個時真係飲奶粉的.. 而發達地區的奶粉使用率一向偏高, 所以我會懷疑兩者之間有關係架
 

 
醫生都有講下其他方面的預防, 如沖完涼要於3分鐘內搽潤膚膏 (要夠快手!), 可以預防+減輕濕疹; 另外塵蟎亦係濕疹/皮膚敏感一個致敏原, 醫生教其實每次洗床單前, 可用65度熱水泡浸; 唔過得得熱水的公仔, 亦可以放入膠袋雪入雪櫃, 都可以殺塵蟎架~~
 
最後再remind返一D初生BB嚴重疾病的訊息, 如發燒 (對於初生BB其實好罕見的)、呼吸困難; 的確決湊到BB歲幾, 好多野都冇以前咁緊張, 咁樣重溫下都幾好呀!!
 

 
第2 part講嬰幼兒營養就冇咁多新知, 但營養師咁o岩又有講防敏喎, 又會咁橋? 妹妹千祈唔好中呀...
 

 
最後一part係示範點為BB沖涼同換尿片, 唔係講笑, 有D細微的steps如抹眼睛, 洗肚臍我差不多忘記了!  雖然當晚紀念品冇預期中豐富, 不過整個talk都幾有得著呀, 都係滿足的一晚~~~
 

  
來到4/27 (六), 是照結構超聲波的大日子, 當日Matthew有少少發熱, 冇上PG改同我地一齊出發~ 好開心今次見到三條線, 即係肚中唔係一個冇「姑姑」的細佬 (哈哈, 我真係驚架), 而真係妹妹!!

收到好消息好想食餐好, 不過老公2點又要返到公司, 時間有限下就去了Hungry Korean餵飽hungry大肚人了, haha~~  是日竟然忘記帶SD卡, 唯有用手機影, 所以求其食都唔係壞事
 


石頭飯OK, 粉絲非常麻麻地, 但burger好美味又抵食!!
 
  
之後老公先行離開, 一場來到尖沙咀, 媽媽當然要去近排大紅大紫的Sweets house Cha Cha完成綠茶puff心願啦!! Puff可以買返去, 到場後媽媽都係決定食杯雙味軟雪糕先~~
   

 
Matthew今次都有份試 (我放融左先敢俾佢食), 綠茶喎, 梗係開心到傻了~~~



 
至於Green Tea Puff, 就返到屋企再同爸爸分享~~~

 
其實佢的綠茶cream都真係好香濃美味呀, 不過可能唔係新鮮即場食, puff皮唔係好脆了, 相比之下似乎軟雪糕令人回味D喎~~~
 

 
雖然, 都夠Matthew仔食到超級hyper了~~~~
 

 

 
4/28 (日) 媽媽都好忙, 因為除了Jolly Kingdom, Matthew間中都會去返Oxford Path中心 / ABC Pathway上堂架~~ 
  

 
爸爸週日仍要返工, 上堂前媽媽帶Matthew返兜了多年前食過的Amour Cafe, 意粉仲係好味呀, 但估唔到Matthew唔欣賞吉士蛋, 估計係衰豬訓唔夠, 今次上堂C啦.....
  

 
點講好呢, 買了Oxford Path教材有PG送, 其實真係好好; 不過中心的堂數唔固定, 要家長每個月去register, 唔係固定作息時間好難夾到BB的休息時間喎~~ 依個, 擺明係60% sleepy mode!
 

 
另外仲有一D關於PG的心得、感想, 不過唔想太長氣, 或者下次再慢慢講啦~~
 

  

  
上個weekend好似無乜點得休息, 好在之後仲有一日五一假, 當日玩得好開心呢! 遲D再記~~
發表於2013.5.05
留言(11)
  • Luxueux Yvonne
    個抹茶puff真係好吸引呀 個意粉望落唔多吸引
    05/05/2013
  • 羅車車
    好嘢真係小小妹嚟泰恭喜晒唔使擔心啦湊夠一個好字
    06/05/2013
  • 小東
    真羡慕呀!!!湊夠個好字 我都想呀,至怕追多個又黎個弟弟-.-
    06/05/2013
  • 烏G餅媽
    我果日去講座都有周圍望, 但見唔到你呢..........第一part個講者present得痳痳, 搞到我好想....................再次恭喜晒你啊, 你可以同妹妹扮靚靚啦~~~~~~
    06/05/2013
  • Viviana
    好野, 恭喜恭喜, 真係小妹妹^^ YEAH~~~ 另外, 我想好奇問, 原來大左肚都可以食軟雪糕? 係咪STABLE 左就食得?
    06/05/2013
  • CoCo
    生女好啊, 可以一遂你心願. 如果再生, 我們都想生女仔, 我老公不喜歡男仔, 之前大肚時他說如果是仔就CHEAP 養, 邊有得吃ILLUMA(笑)
    06/05/2013
  • 吳獅皇(Assemby)
    朋友,午安。祝各位週一身心康泰,開心愉快。
    06/05/2013
  • Mrs. Wu
    好野,終於confirm左!
    06/05/2013
  • 田鼠b
    "唔點戒口"既方向一定正確!
    07/05/2013
  • 妹豬
    好開心呀~可以湊夠個好字!
    07/05/2013
  • Little Jessie
    我好少上到Oxford Path 的playgroup, 次次都就唔到時間呀! 心柔都係有小小濕疹同埋係極sensitive 的小朋友,兩歲前我成日都control 住佢食嘅嘢,另外濕疹BB 要常常保濕呀!希望你的小BB 不會有濕疹啦,我仲記得佢爆濕疹,擔心到我喊咗出嚟嘅情境!
    08/05/2013
博客名稱 :
甜魔媽媽Yan
網誌名稱:
甜魔媽媽小天地
使用天數:2,328
性別:
按月份瀏覽
    2020
  • 一月
  • 二月
  • 三月
  • 四月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言