11
04.2013

哺向幸福 ~ 孕媽媽必聽講座!

終於寫完遊記, 可以分享其他野啦, yeah~~~~
 
話說陀Matthew仔時, 媽媽十分勤力, 前後參加了約十多場講座 (詳見媽媽的yan孕記分類), 來到今胎就懶去報了, 除了上週日由沙田小童群益會主辦的「哺向幸福」母乳餵哺工作坊~
  
   
因為, 回想懷孕+生產matthew的過程, 很多方面都累積了不少經驗, 可說是(半)個專家了, 偏偏來到母乳餵哺, 心底還有不少疑問.
 
事實上, 第一胎媽媽也輕看了餵母乳的難度, 單單憑著堅持與傻勁, 沒錯是成功餵到母乳, 但過程中經歷的苦難卻達10級, 如痛過生仔的谷奶、無數次令人絕望的塞奶, 還有最後慘患乳腺炎而發高燒、急送急症、吃了廿多日抗生素, 那段日子, 真的灰暗得不似人過的...
 
今次懷第2胎, 媽媽也想給妹妹餵母乳, 不過事前務必做足功課, 為的是千萬不要重蹈覆轍!
  

 
講座位於大水坑錦泰商場的小童群益會, 對媽媽來講都遠架, 不過聽完覺得好值得!
 
講座分為2部分, 第一部分係由資深社工講親子關係. 好多水準父母只知道要去學好多新知識、新技巧, 冇錯依D都緊要, 但遠遠不及準備好做一個好的爸爸媽媽重要! 
 
唔好以為BB咁細, 冇乜親子關係概念, 其實依段時間就係最好培養關係的時機! 姑娘引用科學理論, 加上大量親身面對的例子, 去說明BB很需要父母及時並正確地回應需求, 以得到安全感, 為將來成為建下良好基礎. 而按摩、親子/音樂遊戲、仲有餵哺母乳都係好好的方法去建立親子關係~
 

 
另外, 姑娘都講到父母的情緒, 以及行為對BB/小朋友的影響極大...
 
在場的孕媽媽可能未有感受, 但我就慢慢感到Matthew真係好受我同爸爸影響, 佢的為食、好動、貪玩固然有部分係天生性格, 但都同我地的行為不無關係! 特別係一D小動作, 如肉緊, 皺眉, 其實都係copy緊我地的小動作呢~~ 隨著BB越來越大, 越黎越識扭計, 其實我都要學習好好控制自己的情緒, 盡量保持平和, 否則只會令原本已較急躁的Matthew更加急!
 
最後姑娘播了一段Children see, children do的影片, 我覺得好震撼的, 都同大家分享下~
 

而第2部分就係當日的戲玉----由資深助產士講解母乳餵哺
 
母乳餵哺的好處之前聽了好多, 相信大家都好清楚, 在此不想重複; 至於餵奶姿勢、泵/揸奶方法等, 上網都有大量資料 (雖然個人經歷係, 唔親身試過真係唔明的); 反而好欣賞講者講及餵母乳的難處同麻煩個案 (係我中過哂的谷奶、塞奶、乳腺炎...). 因為, 餵母乳其實並唔係一件自然而然的事, 而係超辛苦, 超折磨新手媽媽的.. 其他的孕媽媽大概未有感受, 我聽個陣, 真係忍唔住眼濕濕左好多次!
  
當然姑娘都有分享點樣克服難處, 並家人可以點樣支援、幫助媽媽. 因為生產完冇耐, 媽媽的荷爾蒙改變會引起抑鬱 (係真架! 連樂天如我都會夜晚忍唔住喊....), 家人的支持真係好重要呢! 冇佢地的support, 我相信第一胎我都堅持唔到餵落去... 同樣地, 如果係在職的媽媽, 亦要努力爭取上司及同事的支持及配合, 去延長餵哺期~~
   
最後來到Q&A session, 以往其實唔知自己要問乜, 今次就目標非常清晰, 舉手發問「第一胎我真係塞得好辛苦... 有咩方法可以今胎唔駛咁慘? 例如產前按摩胸部, 會唔會幫到乳腺順D?」不過好可惜, 姑娘回答咁樣幫助唔大, 人奶媽媽可以做的都係盡量密D清奶、熱敷、(產後) 按摩, 同埋保持心情輕鬆愉快 (因為緊張/唔開心會令乳腺收縮架)~~
 
好啦, 正如生仔必然要痛一樣, 餵母乳都好難唔經歷谷奶、塞奶的痛苦. 不過有了前一次的經驗, 加埋今次講座的資訊打底, 我想我係ready去接受依項二度挑戰的~~ 身邊的孕媽媽, 一齊努力啦!
 
**********************************************************
 
最後, 依個工作坊唔止一場, 仲有其他日子的, 有興趣的孕媽媽可以去睇+報名架!
 
http://stfle.bgca.org.hk/0465/files/file/breastfeeding.pdf
發表於2013.4.11
留言(8)
  • Mrs. Wu
    我自己都試過餵人奶,無自己私人時間之餘,岩岩生左又辛苦又痛,真係個種心情只有人奶媽媽先感受到,我都係無耐之前無餵,因為實在頂吾順啦!努力呀,為左妹妹
    11/04/2013
  • Oli
    妳仲需要聽?妳已好有經驗啦喎
    11/04/2013
  • 羅車車
    Matthew仔同小妹妹真係好幸福呀有妳呢個偉嘅媽媽
    12/04/2013
  • 博師奶Mrs.blog
    餵母乳雖不容易,但 媽媽妳咁學,一定無問題!加加油!
    12/04/2013
  • 烏G餅媽
    你第一胎都餵到貢耐, 今胎一定ok ~ 我上次只堅持o左2個月咋, 好冇用~
    12/04/2013
  • 【Happy Boy *Jo.B 成長記趣】
    因為你呢篇Post,我就睇返你初初餵奶既Blog,真係十分佩服你預到咁多大大既困難都冇放棄到,堅持比最好既野比Matthew食!! 我比較好彩,餵得好順利,Jo.b食得好叻,所以我未預過塞奶、發炎既情況,但面對草奶又係另一種辛酸 我見到你要去打針,仲可以堅持繼續餵,真係超叻,如果係我..我都可能會放棄了 我都記得初生頭幾日,Jo.b都係因為黃疸超標要入院照燈,就係o個日個胸塞到超硬(諗起都覺得痛><) 所以睇返都有點感同身受,知道你第二胎都會餵母乳,要大大力比多d支持你!! 預祝你順順利利,妹妹有口福喇((btw,埋身餵人奶o個個感覺真係好溫馨,我到而家都好享受餵奶既每一刻架^^))
    12/04/2013
  • Little Jessie
    第二胎會順D, 不用擔心, 我第一胎只餵到一個月, 但第二胎免免強強都差唔多半年, 你一定得嘅!!!
    12/04/2013
  • Mandy 文迪
    人奶媽真係吾容易, 佩服~~辛苦你
    13/04/2013
博客名稱 :
甜魔媽媽Yan
網誌名稱:
甜魔媽媽小天地
使用天數:2,329
性別:
按月份瀏覽
    2020
  • 一月
  • 二月
  • 三月
  • 四月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言