04
01.2013

Matthew惠州行

之前也透露了, 上週末Matthew仔首次回爺爺嫲嫲的老鄉探親~~~
可能大家都猜到了, 是次探訪的主角就是太嫲了! 下面慢慢介紹
 

 
12/28 (五) 晚, 爺爺嫲嫲及爸B帶著Matthew, 等埋媽媽收工, 就一起由深圳搭車去惠州
好在表哥有私家車接載, 抵達惠州 (博羅) 才8點, 還趕得及一起晚飯~~
 
首晚拍照不多, 最搞笑是Matthew見到自己的大頭照, 就情不自禁鍚落去了!!
 

 
係咪真係咁靚仔呀?!
 

在親戚家留到9:30pm, 也是時間去酒店休息~~

博羅是個小城, 暫沒豪華星級酒店, 今次又住上次回鄉擺婚宴的酒店
不過就訂了間豪華房, 張床特大, 不過床板硬硬的, 同屋企無得比...
 

最正是有私人桑拿室, 不過濕蒸的原來好熱好辛苦架!!
 

翌日在酒店以白粥、豆漿餵飽Matthew後, 一眾人等又來到風味央然的河邊享用我地的早餐!
 

好多款點心同小炒都好食, 其中老公最愛這炒肥腸, 吃了兩碟才收手!!
 

另外炒豬雜也是老公的心水最愛, 相信長住下去有人鐵定增幾十磅!!
 

之後大家搭車去影大合照, Matthew仔當然又是主角!!
 

除了太嫲, 姑奶奶也是今次探訪的重點, 老人家見到BB就感到無比的開心了!!
 

小心啊... 依隻豬仔真係好重手的!!!
 

 
另外, 兩位伯伯都對Matthew無比鍾愛...
 

梗係啦!! 衰豬仔咁搞鬼識得扮鬼臉氹人開心~~~
 


之後, 大家又搭一個鐘的車, 由博羅前往石霸的鄉下了~~~
初次踏足鄉間的Matthew, 對所有事物都感到無比的好奇呢!!
 
 
  
有狗狗... Matthew還學狗叫, 叫得好似!!!
 
 
 
有走地雞....


另一隻狗....
 

還有貓貓... 基本上Matthew對所有的動物都好奇, 而且完全唔會驚!!
 
 
在紅磚屋內留影~~~
 

 
當然今次的重點是太嫲才對, 很開心見到太嫲年紀雖大, 但精神不錯
  

見到曾孫更加開心之極... 情景十分溫馨!!
 

相比起在元旦日探訪的中風後瀰留的太婆 (係我爸爸的非親生媽媽.. 係咪咁叫?), 算是令人安慰
但同時都再次提醒自己: 人生短暫, 生命無常, 真要好好珍惜每一天啊
 

 
很搞笑的在舊屋又見到老公後生時的照片.. 個時真係英好多的!!
 

依家就變成咁o既樣喇 (為食食雞脾中)....  
 

不過鄉下的菜式又真係簡單得來幾好食o既~~~
  
 
是日我地仲一齊出去摘蔗來食... 真係好清甜呀~~~ 
 
 
 
又到田間玩樂, 留下超多靚相~~~~
 

 
又睇下爸B的大機作啦~~~
 


 
 







    
玩得超開心超盡興慶返來!!
 
   
又同其他的小朋友合照~~~
 

 
講起其他小朋友, 嫲嫲好有心買了個大蛋糕來, 令到一班小朋友超開心!!
 


Matthew對蛋糕興趣一般, 反而睇上了巨大的籃球, 係咁想出去玩!!
 

小小身軀捧著大大的籃球, 好大的反差好得意呀!!!  
 



無啦啦玩到發脾氣? 其實係眼訓了......
  

又去太嫲間房訓左個靚覺, 之後又要出發去另一場啦~~~~
 

 
就係參觀豬場!! 好多野睇, 不過都好臭啊............
 

睇到依D豬會諗起寶貝小豬嘜, 但依D豬仔長大後, 會變到超巨大.....
 

  
今次最震驚係見到豬媽媽餵哺BB乳豬的過程..... 聽講依批小豬剛滿月咋!
 

依一兜豬仔更加細, 一個月都未夠....

  
睇落真係好BB... 突然覺得香港人咁鍾意食乳豬, 實在是超級無敵殘忍!!!  
其實唔止乳豬, 食豬 (以及其他哺乳類) 的行為都好過份, 不過真係好難戒呢...
  

其實當日仲有一煲狗肉, D親戚食到津津有味, 我就一件就唔想食, 變成素食晚餐..
飯後於週六夜晚又搭車返深圳, 再返到屋企, 2日1夜的惠州行就此結束! 
發表於2013.1.04
留言(2)
  • Oli
    農家菜好吸引 阿龍個張相好正
    05/01/2013
  • TAM
    有時我有相同的迷思,食貓食狗就口誅筆伐,食其他動物,例如豬牛雞鴨就無問題?
    07/01/2013
博客名稱 :
甜魔媽媽Yan
網誌名稱:
甜魔媽媽小天地
使用天數:2,386
性別:
按月份瀏覽
    2020
  • 一月
  • 二月
  • 三月
  • 四月
  • 五月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言