16
08.2016

兩日一夜玩轉新濠影匯&水舞間

飲食烹飪   環球旅遊(澳門)   生活品味  
標籤: 澳門  kkday  水舞間  影滙之星 
image

成日都話要約friend一齊去旅行,
不過講到2046都未去得成。
大家出咗嚟做野就更加難請假,
與其再係到等,
就不如近近地去澳門玩番兩日一夜啦!

小編今次就同朋友去咗澳門
食葡撻、豬排包,買杏仁餅,仲有睇水舞間,玩蝙蝠俠夜神飛馳同埋8字型摩天輪。
行程就唔算好特別,不過同friend去玩,做乜都開心啦!

一落船就緊係去酒店check in 先啦,
之後醫完肚就去睇水舞間~
今次係坐A區正台!真係超興奮!
一開始都有啲擔心坐得太前會濕身,
但入場先知只有ABCD呢4行先有機會濕,
而且主辦單位都好貼心會提供埋毛巾:D
原來坐嗰行啱啱好係唔會濕身!超好彩!!
之前已經聽人講過水舞間好好睇,所以對佢都幾大期望㗎~
開場後,佢完全無令我失望!!!

image

望住佢哋三兩吓手勢就疊完羅漢,真係覺得佢哋好犀利!

image

佢哋個舞台勁多變化,一時係一個水池,一時又會變噴泉~

image

見到佢哋倒掛係高空,其實睇到個心都卜卜跳,因為好驚佢哋會跌落嚟!

image

成個表演都好有故事性,90分鐘絕無悶場!

一路睇表演,我覺得有太多焦點,有時真係唔知望邊度好!同埋你會睇得出佢地成個表演係經過精心設計,等你掛住望上面嘅空中飛人時,就轉換下面舞台嘅場景。仲有呀,個個表演者無論男男女女都手瓜起𦟌,全部都係真材實料!話佢係全球最壯觀嘅水上匯演真係一啲都唔誇張!

係度提提大家,場內係可以影相,但唔可以用閃光燈或者錄影。

▶▶▶依家買水舞間門票,仲送8字摩天輪門票!

之後第二日就位緊係要食好西啦!小編就同咗朋友去官也街食野啦。

image

去澳門一定會食嘅就梗係大利來記嘅豬排包啦~

係官也街仲有無數嘅手信店,鍾意食杏仁餅嘅你千祈唔好錯過啦!

一路跟住啲指示牌直行,大概十分鐘左右就會見到龍環葡韻住宅式博物館。就咁講你可能唔知係邊度嚟,睇圖你就知!

image

就係呢5棟薄荷綠色嘅建築物啦!佢哋本身係澳門離島高級官員嘅官邸同埋一啲土生葡人嘅家庭住宅。但係1992年澳葡政府就開展咗修復同改建工程,將呢5棟建築物改建成住宅式博物館。係呢度就緊係無限自拍,影相影相再影相啦!

之段就去咗食葡撻啦~澳門有兩間好出名食葡撻嘅鋪頭,一間就係比較遠嘅安德魯餅店,另一間就係瑪嘉烈蛋撻店啦。由於時間關係,我哋就去咗位於新葡京附近嘅瑪嘉烈蛋撻店。

image

葡撻表面有層薄薄嘅焦糖,撻皮又香又酥,食落啖啖蛋香味,真係好正㗎!不過價錢有少少貴,$10一個,$55有六個。

食飽飽就係去玩嘅時候啦,係新麗華酒店門口有免費穿梭巴士來往新濠影匯。今次緊係去新開嘅「蝙蝠俠夜神飛馳」同埋「8字形摩天輪」啦。巴士上仲有提供免費Wi-Fi,真係連電話卡都唔洗買。

image

要留意入到去係唔俾影相㗎!

如果你入場前已經不斷買手信買手信的話,
記得要落一層去衣帽間寄存行李先,
呢項服務都係免費㗎~

「蝙蝠俠夜神飛馳」其實係一個4D 多媒體飛行體驗嘅遊戲,
入到去會先睇一啲影片,了解咗故事背景,最後先會入坐睇 4D 電影。
無需戴3D 眼鏡,座位會按電影情節嚟郁動,營造出係高樓大廈左穿右插嘅效果。
電影對白係講英文嘅,但都有中文字幕提供,所以唔洗擔心睇唔明。

不過小編就覺得以成人票價MOP150 嚟講,
真正睇 4D 電影只得大概6分鐘就有啲短。
不過無可否認個 4D 效果真係好好!
都值得玩一次嘅~
記得12 歲以下小朋友,身高要夠 1.2米先可以玩(小童票價 MOP 120)。

之後我哋都去埋「8字形摩天輪」,係商場入面要搵番去「影匯之星」嘅指示牌就可以啦。
「影滙之星」係全球獨一無二嘅8字形摩天輪,最高點有130米!
小編去嘅時候係星期一,所以都唔算好多人,排一陣就上到去玩。

image

每個車箱可以容納10個人左右,總共有17卡車。如果係睇夜景嘅話坐邊面都無乜所謂,因為上到去大家都會係車廂內隨意走動。

成個過程大概10分鐘左右,所以要好好把握時間影相!

依家買水舞間飛就送「影滙之星」嘅門票,都算抵㗎,因為一張飛原價都要MOP100!

▶▶▶依家買水舞間門票,仲送8字摩天輪門票!

玩完「影滙之星」都夠鐘要搭車去碼頭搭船返香港,係新濠影匯就有免費接駁巴士去氹仔碼頭~兩日一夜,假都唔洗請就可以玩晒咁多樣野啦!

▶▶▶【用最佳角度影大三巴】名人蠟像館+金澳門3D美術館

 

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday

發表於2016.8.16
留言(0)
博客名稱 :
KKday
網誌名稱:
跟著 KKday 去旅行
使用天數:1,644
年齡:4
電郵:hk@kkday.com
按月份瀏覽
    2020
  • 一月
  • 二月
  • 三月
  • 四月
  • 五月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類