11
06.2012

'耀舞長安'看後感..

上星期終於都大團圓結局..感覺上呢套劇長左少少..
近年我地已經習慣左一套劇大部份都係20-22集左右..今次30集.覺得長左..^^
又或者係套劇既內容唔夠豐富..所以如果20集會好d..不過又好想見到bobby多d..真矛盾,,

呢套劇其實好好..佢道出女人與女人之間既友誼..可以突然黎得好快..突然好好感情..
但..又可以突然因為爭寵..爭男人..所以一晚之間又突然友情不再..
女人之間既友情..其實真係可以好脆弱..男人永遠都唔會明..
唔好講友情..親如兩姐妹都一樣會有妒忌..坦白講..女人之間既感情..真係好易出事架..因為女人天生就係小氣..無得唔認架..
男人請唔好自以為事地以為自己可以幫女人化解呢方面既問題..你地..只會越攪越煩架咋.最好既方法..就係唔好理..等佢地自己解決..

劇入面亦道出..當你全心全意去相信對方..點知發現被對方出賣..一夜間由最相信的人變到最陌生..可以有幾驚..幾恐怖..
不過成套戲既重點.我覺得係..心地善良既人..衰極有個譜^^
心地善良既人..就算幾憎對方..始終都唔會做到太狠.
心地善良既人..只要對方有悔意..或者同佢講返聲對唔住..佢地就好易心軟..原諒對方..

可能有人會話心地善良既人做唔到大事..
但我反而只想同心地善良既人做朋友..始終相信..真心的對待別人..人地一定會感覺到..
同心地好既人一齊..感覺會舒服d.輕鬆d...唔使成日你估我.我估你..咁樣好攰的..

我希望世界始終係性本善..我唔想身邊既人係好恐怖..唔想永遠都要防佢咁生活..好辛苦的..
發表於2012.6.11
留言(1)
  • 冬日 Winter
    我有追這戲...直至大結局 ! 好認同, " 心地善良, 就唔會太狠, 唔太狠的人又多不會是成功的人"
    22/06/2012
博客名稱 :
angeleung
網誌名稱:
Jacobland..
使用天數:2,457
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 親子育兒
  • 數碼科技
  • 生活品味
  • 攝影寫真
自行分類
最新留言