12
10.2013

十年友誼。衝出香港。東部華僑城(上)

標籤: 旅行  影相  中國 

對上一次來個過夜聚是五月份的梅窩Camp, 這個Camp約得不易, 我們足足花了七年時間, 才能決心的聚一聚。今次我地再挑戰一下,衝出香港!

 

本來想去澳門的, 七個人吧, 應該要住豪D, 搵間又大又靚既房屈蛇! 可是, 遇上黃金週同煙花節, 一間悅容庄竟敢要$5000大洋, 要我花五千在澳門, 確實不甘! 最後簡左近近地既東部華僑城! 咁岩大家都未去過~

 

可惜有一位回鄉証過期, 未能一同前往

 

多謝朋友既幫手! 快快地就Book好曬車飛, 酒店~ 令我地既旅行冇得縮沙!

 

出發嚕~~~ 可惜又有一位突然唔舒服, 黎唔到~ 下次你一定要黎啊!

一眾遲到既友人, 好叻仔叻女地今日冇遲到~

搭十一點三車, 我地十點八就到左九龍塘!

 

九龍塘E出口一上就見到永東巴士既Counter.

我地一早係中旅社買好車飛, HK$150 來回, 很平吧!

 

 

 

一人一張貼紙~~~~

 

 

 

搭左大約九個字就到左沙頭角口岸, 第一次黎呢個口岸過關

之後再搭多半小時左右就到達酒店門口~ 登登登登~ 瀑布酒店

 

 

 

隔黎就係有個大瀑布, 係景點之一嗎?

說實話, 近來工作有點忙, 實在沒有花時間去查到底華僑城係一個點既地方

我只知有好多酒店, 有D景點睇下

所以都冇乜期望太多!

 

WOW~~~酒店好似幾靚喎~

 

 

CHECK IN 之後, 有人帶我地上房, 哇, 行左我估都有300米, 一搭左3架LIFT 先去到我地間房

真係覺得會蕩失路!

 

入到去, OMG! 好靚啊!

 

 

咁睇係咪冇咩特別, 係咪你預左係咁?

 

如果咁睇呢?

 

 

 

 

 

只能說句, 真係好大!!!

我冇諗過咁大, 仲一直諗6個人住會唔會唔夠~

但咁睇, 都OK AR~~~~

 

係到HEA 左半小時到~就出去了! (因為已經2點鐘了, heehee)

opps..原來好近我地就可以入到園內~但....唔.... 我地未買門票!!

結果, 我地又要走300米路返返去Lobby 買

原來住客有折的! 本來RMB300 一人, 結果好似..唔記得係八五折定八折^^"

總之就平了!

 

入園後, 第一時間要搵野醫肚!

搵左間木桶三國既食, 好似幾唔錯!

大約RMB3X 一個飯+汽水.

 

 

都幾好食 (原來.... 這已經我們最好食的一餐)

 

食完後直搵方法上山!

 

 

圖中見到呢個, 估唔到...呢到好似海洋公園/迪士尼咁既?

好似幾得意, 興奮之心又多左!

 

因為有個直上既纜車維修中, 所要我地要先搭Cable Car, 再搭纜車, 再搭小火車先上到山.

估唔到.... 我真係估唔到.... 原來要行咁多路!!!!

行完都已經出曬汗....

 

好似昂坪360 既咁, 一樣要坐滿曬八位.

不得不提, 係呢個TRIP到, 我地視大家經歷左大約7次既生死.

第一次就係呢個CABLE CAR

寫明係八人, 點解....多左個既... 我地o個架有9位, 其中一位係大約4,5歲既小朋友

加上對坐設計, 上山時.... 我希望... 國產是好東西, 但真係一路坐一路驚佢跌....

唔... 如果有得簡, 我唔想再坐....

 

坐完之後, 好高好靚好舒服, 即刻覺得涼左!!

 

 

 

2.... 又玩透明玻璃 !!!! 這我算第二次的生死.,

我真係好怕呢行D... 好彩.... 有人拖住 :P

加上......

 

 

原來好多都因為唔知係特登磨砂定係污糟, 根本睇唔到下面既, 咁緊係冇咁驚 :P

佢寫住只準50人行, 唔... 呢到點睇都冇50人掛!

行到中間最出時...

OMG!

中間有一塊係好清楚的!到底, 係有意, 還是什麼????

 

 

我, 都係走先啦 :P

不過真係好涼, 同埋個玻璃擋左好多風, 隻手一伸出去, 仲大風, 個感覺好得意

 

當中見佢有個好似G Force 既機動遊戲係山邊, 個視覺效果真係好似飛出山咁.

我見佢係咁郁, 但又冇人玩. 我地係唔會係國內玩機動遊戲的. 

(廢話,其實我係OP都係唔會玩大部份機動遊戲的, 只有犘天輪, 飛天千秋同碰碰車呢類先岩我....)

 

之後去搵纜車坐, 又行行行, 係落樓梯多, 

我地即時諗... 咁... 今晚玩完上番黎咪...............要上樓梯?! @.@

行左大約5-10分鐘就到達.

 

 

 

 

呢架纜車, 會唔會有點兒....簡陋??

我們的第三次生死......

 

 

上到去後再行大約5-10分鐘, 就搵到小火車了,

小火車一D都唔小, 有好多卡的.

 

 

 

2200米, 真係好大... 中國真係好多土地!!!

 

 

遠見到花海, 好靚啊!

 

落車後, 當然向住花海衝!!! 睇睇時間, O...已經三點九了...

其實... 我地仲有幾多時間玩呢? 聽說六點就關門....

 

穿過濕地公園~

 

 

我們見到了!!!

又是要行樓梯的, 說真, 腳開始有點累了.

可能因為我冇預期過要行路..

不過睇到咁靚既景色, 當然要快跑!

 

 

OMG~好靚啊!

人生第一次睇花海, 沒錢出國, 留在這也也很滿足!!!

 

 

 

 

 

 

 

真的很美, 很享受

 

行過一點, 就見到有水上單車

知道嗎, 其實我由小到大, 都好想再玩, 大概因為兒時回憶, 同屋企人係沙田玩過吧

但而家, HK好少地方可以玩, 我只係知迪欣湖有, 但係. 好似係有點貴的.

反正大家都有點累, 就不如遊下湖~

RMB 50 半小時, 合理吧!

可坐6人的.

當然咁睇明明係4人位, 點有6人?

國內吧, 鍾意超載? :P

 

 

 

 

 

拿, 咁咪坐到五人LOR~~

中間O個個我估就係第6人的座位吧 :P

 

 

好靚的景色

最好的是, 我唔洗點踩 :P

我有2位侍婢服待, 哈哈!!!辛苦曬 XD

 

因為"有人" 不懂控制方向, 我地撞向左湖邊樹 :P

哈哈, 這是第四次生死吧?

 

 

 

 

 



 

話咁快就玩完30分鐘, 再四周行行探索一下

 

想同大家分享一張好青春的相, 令我諗起了陸運會!

 

 

呢到真係好靚, 很喜歡 ^^

 

 

 

 

 

 

入左一個好似溫室既地方

(我誤以為有冷氣的)

 

植物冇咩特別, 然後有個地方好多鸚鵡, 我見好似都鎖住曬, 就行近一D影

 

 

 

上面的一隻, 一直罵下面的. 場面好可愛!

 

 

 

哇, 咩事!!!影影下突然有隻好快咁落左去, 乜... 唔係有鎖住架咩..../0\

 

 

好了, 我走吧

 

出番去, 其實都接近入夜了.

 

 

我地係茵特拉根酒店到見到有間Lakeside Bar & Grill, 好似幾靚, 反正冇理由咁快返酒店, 反正都要搵地方食Dinner, 就問入面coffee shop 既人點去,

 

佢答我地... 1小時有1架SHUTTLE去的.

我地起初都信左, 後來唔知邊個唔多信, 再問酒店第2 D人, 發現原來只係O係酒店對面!

 

同埋原來夜左都有巴士返返我地既酒店.

 

唔.. 我地既PTH 真係咁爛? 定係佢想FAKE我地?

 

行左10分鐘到, 我地搵到了!

 

但因為七點先開, 我地就坐左陣了.

 

好鍾意對住湖食晚飯, 感覺十分良好!

又令我諗起西湖夜景, 當然呢到唔夠個到靚, 但絕對已經令我放鬆下來. 忘掉煩惱事一會兒

不得不提, 有好幾封公司的Email, 我提了自己很多次, 不要開.

就是不想破壞這個美好感覺.

結果, 我在華僑城內面, 做到了.

 

 

 

 

 

 

 

由於太肚餓關係, 我忘了影相, 食左幾樣野, 大約RMB 5XX 埋單.

因為一枝青島都要RMB48

 

之後返返去搭SHUTTLE. 就係正茵特拉根酒店門口, 好快就有車.

 

 

 

搭左都大約半小時到, 不過總點唔係瀑布酒店, 而係一個叫909停車場.

原來.... 原來.... 搭呢個Shuttle係要每人RMB10...

(冇人話過我地知... 我地以為係Shuttle...原來佢係一架BUS!)

 

之後係呢到係會有架"SHUTTLE", 接我地返酒店.

等左十分鐘到都冇車,  但醒起我地冇買野飲, 見到酒店內同附近好似都冇便利店

前面2個等車既人, 佢地拎住1袋2袋, 似乎買左野食黎, 就問佢地

佢地話行下面一直行大約5分鐘就有,但我地黎緊呢架車係尾班車

其實停車場行番上去都行到, 只係有條大斜路佢地唔想行, 所以簡等車.

(丫, 點解佢地咁熟呢到既@.@唔通黎過好多次?) 

 

即係話我地要簡野飲OR搭車.

結果, 我地簡左野飲.

 

行落去都好方便, 好快就搵到士多.

買曬野飲後就決定行番酒店

 

全條路好黑, 好彩我地都叫人多同有個男仔.

行左D 少斜路仲得得戚戚地話, 都唔係好斜姐.

行左十五分鐘到.

終於黎料, 我見到條大斜路了....

唔... 我喘氣了... HAHA!!!

我睇過錶, 只係行左3分鐘大斜路!!!!

唔, 有一天, 有一天, 我確信體能會好一點的.

最後也因為我既汗珠而令我獲得第一個沖涼的機會 ^^

 

沖完涼, 一齊睇星夢傳奇決賽~~~好好睇啊

睇完後我地玩CARD GAME.

第一次玩, 好好玩!! 大家有如果有機會都可以試下玩呢!!!

不過忘了朋友, 聽日再Update 大家^^

 

幸好今日行太多路, foresee 到聽日都會繼續行.

大家俾我訓覺了, 準時一點訓!!!

 

(上次去CAMP我第一個支持唔住, 1點幾/2點幾訓左, 被眾友罵了一頓 :P)

發表於2013.10.12
留言(0)
博客名稱 :
Chiu Ck
網誌名稱:
CK仔。樂遊四方。
使用天數:2,495
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
自行分類