27
08.2018

分房記(下)

親子育兒(日常)   生活品味  

距離上一集,原來都隔左成4個月 (笑)

當大家都以為我地爛尾既時候~ 其實唔係既~ 我地係不斷徘徊係唔同既選擇中間,並且典來典去(哈)

做乜唸野呢? 唸咁耐又攪咩呢?好難唸架,而且係當你屋企有一個選擇困難症患者, 而命運又偏偏作弄你,因為佢係俾錢個個 ( ̄∇ ̄)

 

[難題一]兩兄妹一間房 VS 哥哥自己一間房連書檯

香港有土地問題,我地都走唔,已經好好彩地,我地住村屋,仲可以有房得唸! 但係,到底安排佢地二人一房好呀?定分房好呢? 我真係典左好耐!

兩個一間,兄妹關係會緊密D (疑?) 我腦入面個畫面:兩兄妹關埋房門,熄哂燈,呃阿媽訓左,其實暗牙底就細細聲偷偷地傾計傾到訓著~ 依個畫面真係好吸引我! 嘩~~~幾咁美好!

但係!

另一面又唸啦!阿哥升小學,阿妹就K2仲要下晝班~ 小學倒塔咁早起身,又鬧鐘又搵衫,打仗咁款,有乜可能嘈唔醒一向醒訓既芊芊? 仲有既就係,小學又功課又溫書, 唔係屈入房靜靜地點做到? 兩隻一齊係廳,一個未做完,另一個又一早做完,玩玩具;一隻要考試,一隻連默書都唔洗,咁咪攞著我來攪?! 我心臟弱!爆血管都有份!

於是⋯ 都係唸:哎~~都係分開房啦⋯⋯

 

[難題二] 如何all-in-one但不失空間

睇傢私都睇到我麻木啦! 嗱!房又唔係大,又要床又要衣櫃又要書檯,最好仲有埋書櫃咁⋯⋯ 其實我得一個選擇,就係高架床! 所以之前係鴨脷洲睇埋睇埋個堆上下格床又當粉筆字咁抹咗佢從頭嚟過!

好勒! 高架床大家唸起邊個呀? 咪宜家囉! 咁我地咪去左睇啦!睇岩埋架啦!度好哂位添架! 係安裝時既工作位置差3cm! 問下宜家D工作人員,佢地話盡量幫我地安! 應該ok wo~~ 咁岩岩好架啦!俾錢啦! 到送貨個日,有個睇位人員一個箭步上來睇一睇場先。一睇,差3cm 就係3cm, 佢話佢會有一條好長既螺絲上唔到。於是原!車!遣!返!

我仔好失望呀⋯⋯但冇辦法。但宜家好好呀!唔單止貨價全退! 連送貨費、安裝費都退埋俾我! 真係非常好👍🏻

所謂舉一反三(其實係咪咁用架個字)唔能夠用個最平既選擇,我地就去左個最好既選擇。我地去左幫襯原木生活(非廣告,現兜兜俾錢架)我老公不嬲都有一鋪木癮,木紋呀⋯⋯木櫃呀⋯⋯木檯呀⋯⋯咁而且俾仔用既佢不嬲都大方既。 我地喜歡實木,因為有陣大自然味而唔係甲醛味。 實木又耐用,又穩陣,兩隻野衝上床,張床都穩穩陣陣,郁都唔郁下! 我地仲一不做二不休買埋個衣櫃,佢個設計仲有個細細地架書架仔係側邊,可以放下小學用既書簿~

細細聲講, 我借D搭單敗左個半腰櫃放立雜野(冇理由錫哂對仔女,阿媽冇份架麻~~~)

 

[難題3] 學習檯 vs 靚樣檯

俾著以前既我呢一定投靚樣,話哂都係外貌協會常任敗家長。同埋呢⋯⋯而家d學習檯個樣呢⋯⋯真係好一般下! 仲好鬼貴! 一張學習檯,細個張,個價可以俾我買張實木既!  仲未計張護脊櫈喎⋯⋯仲要⋯⋯冇sales 架喎⋯⋯自己睇自己研究跟著行去cashier俾錢喎⋯⋯ 為左依啖氣⋯⋯⋯ 爸爸去左淘淘。 一入淘淘深似海,埋去睇睇埋去揀揀,睇左3-4個月(咁上下啦)。 最後買左依張,乜都有全包! (個顏色又到我典左2星期)又檯又櫈仲包埋盞護眼燈! 品質唔錯呀!仲平一截既!但有辣有唔辣,因為唔包安裝,齋砌都砌左我兩公婆兩晚,一共6小時! 大佬腰都斷呀! 因為佢地個D說明書呢⋯⋯⋯⋯ 明既明啦下! 總之少D腦汁都攪唔掂!

不過哥哥見到我地兩都砌到大汁疊細汗,佢都感受到我地係幾咁愛佢既。

 

就係咁,我地終於排除難難,間房趕到係開學之前啟用,都算係感恩。 哥哥現正係度適應一個人既夜晚,俾D時間佢啦!之後開左學,佢就會攰到唔識半夜走來搵返我地訓架啦⋯⋯

依句我係安慰緊我自己。嗯。

 

#分房記

#其實我仲可以寫

#唔知有冇人想知淘淘野

#長文慎入

#選擇困難患者家屬揮手區

 

================================
👨‍👩‍👧‍👦見習媽媽湊仔blog開左啦👨‍👩‍👧‍👦埋來睇下啦!
https://traineemami.wixsite.com/blog

➕分房記(上)  https://traineemami.wixsite.com/blog/home/分房記-上
➕秘撈媽媽同樂會。網購敗家推介 https://traineemami.wixsite.com/blog/home/秘撈媽媽同樂會

 

發表於2018.8.27
留言(0)
博客名稱 :
見習媽媽湊仔經
網誌名稱:
見習媽媽湊仔經
使用天數:589
性別:
年齡:35
按月份瀏覽
    2020
  • 一月
  • 二月
  • 三月
  • 四月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 親子育兒
  • 生活品味
自行分類